Trimestre negro II

Como libro optativo, ademais dos que falamos sobre a Guerra Civil, xa sabedes que podedes seguir lendo novela negra (se vos apetece adentrarvos neste xénero). A escoller entre un bo abano de ofertas:

Lémbrovos que a listaxe de libros optativos segue vixente. Se non queredes ler nin novela negra nin libros sobre a guerra civil, acudide a ela.

Traballo sobre a Guerra Civil

Como vos dixen na aula, este segundo trimestre ides realizar un traballo para saber máis sobre a Guerra Civil e o que supuxo, un traballo que ten ademais como característica que vai ser para dúas materias, a de Ciencias Sociais e a de Lingua e Literatura Galega. Pensade que é un traballo sobre o que debedes investigar, pescudar, visionar, ler... Non podedes nin pretendades buscar na Wikipedia e pegar o que alí pon: esixímosvos algo máis ca iso.

De todos os temas propostos, podedes elixir un. Tedes que me mandar un correo indicándome que tema elixides e con que compañeiros e compañeiras o ides facer. Do que se trata é que se toquen todos os temas, por iso teño que sabelos porque se se repiten hai que cambialo. Os grupos poden ser de 2 ou 3 persoas, pero se alguén quere facelo de xeito individual tamén pode escoller esa opción.

Tedes a sorte, asemade, de ter preto a Manuel Igrexas, que é quen máis sabe deste tema no Deza.

TEMAS A ESCOLLER:

.- O voto femininio na Segunda República (debates, intervencións...). Sempre tendo en conta e referenciando a Victoria Kent e a Clara Campoamor.

.- O movemento político no Deza.

.- O campo de concentración da Illa de San Simón

.- O papel da Igrexa na República e na Represión.

.- As Brigadas Internacionais.

.- As comunas anarquistas (Aragón). O papel das mulleres na comunas anarquistas.

.- A represión franquista durante a Guerra Civil.

.- As guerrillas no Deza.

.- O papel das mulleres nas guerrillas galegas.

.- A visión da muller no "bando nacional" ou sublevado.

.- A represión dos mestres e das mestras da República.

.-  O exilio.

Podedes consultar estes blogues:

http://dezahistorias.blogaliza.org/    (blogue de Manuel Igrexas)

http://nondesaesquecemento.blogspot.com.es/

http://anosdomedo.blogspot.com.es/

http://www.tabeirosmontes.com/memoria.html

http://www.nomesevoces.net/

Eco Republicano

Podedes entrevistar a
- Manuel Igrexas, o voso profe de Filosofía
- Luís Bará Torres (polo Facebook)
- Montse fajardo Perez (polo Facebook)

Podedes ver as seguintes películas:

- "Tierra y libertad"

- "A lingua das bolboretas"

- "13 rosas"

- "Los girasoles ciegos"

Podedes ver os seguintes documentais:
- "Aillados"
- "Querídismos verdugos" (de Basilio M. Patino)
-  "Caudillo" (de Basilio M. Patino)

Podedes ler os seguintes libros (e xa sabedes que valen como libros optativos):

- Ramón de Valenzuela: Era tempo de apandar. A Nosa Terra

- Carlos Giménez: Malos tempos. El Patito Editorial.

- Inma López Silva: Neve en abril. Galaxia 

- Manuel Rivas: A lingua das bolboretas. Galaxia
- Manuel Rivas: O lapis do carpinteiro. Xerais  

- Heliane Bernard: Guernica. Kalandraka
- Roque Cameselle: O Pausiñas. Galaxia  

- Jaume Cela: Silencio no corazón. Galaxia  

- Margot Chamorro: Tempo rachado. Xerais  

- Agustín Fernández Paz: Noite de voraces sombras. Xerais
- Agustín Fernández Paz: Corredores de sombra. Xerais 

- Agustín Fernández Paz: Non hai noite tan longa. Xerais 

- Luce Fillol: Mañá fará bo día. Galaxia
- Antonio García Teijeiro: A teima de Xan. Sotelo Blanco 

- X.R. Gónzalez Álvarez: A encrucillada na torre. Galaxia 

- Xabier Lorenzo: A serra máxica. Memorias de Nadal…. Ed. do Castro  

- Xosé Neira Vilas: Memorias dun neno labrego. Ed. do Castro
- Xosé Neira Vilas: Cartas a Lelo. Ed. do Castro
- Xosé Neira Vilas: Aqueles anos de Moncho. Xerais
- X.M. Oca Martínez: Todo o peso do ceo. Edelvives  

-  X. A. Perozo: Caderno de Riparia . Xerais  

- X.A. Ventoso Marió: A pesca está no vento: historia de Nico. Ir Indo
- Xabier Quiroga: O Cabo do Mundo. Xerais.
- Antón Riveiro Coello: As rulas de Bakunin. Galaxia  

- VVAA: Ninguén está só. TrisTram 

- Rosa Aneiros: Sol de Inverno. Xerais 
- Montse Fajardo: Un cesto de mazás.
- Xosé Fernández Ferreiro: Agosto do 36. Xerais
- Xosé Fernández Ferreiro: Os últimos fuxidos. Xerais 
- Xosé Manuel Sarille: Polos fillos dos fillos. Candeia Editora
- José Antonio Gurriarán: As mulleres do monte. Galaxia
- Antón Alonso Ríos:  O sr Afranio. A Nosa Terra

"Aínda que na guerra e postguerra houbo moitos actos de heroísmo, moitas historias insólitas de persoas que fuxiron da morte e do fascismo, a aventura de Afranio de Amaral chama a atención pola importancia do personaxe (Alonso Ríos era naquela altura deputado nas Cortes) e por estar documentada a través dun libro e dunha testemuña gráfica, a fotografía que Afranio fixo para obter o seu pasaporte portugués e poder fuxir a América. A noite do 18 de xullo Antón Alonso Ríos comezou a organizar a resistencia popular en Tui ao golpe de estado. Despois dalgúns combates, foxe da vila e tras vagar varios días por distintos lugares, danlle acollida, xunto a Guillermo Vicente (alcalde de Tui), nunha casa en Tarroña, onde permanece agochado dende o até o 11 de agosto. Ofrecían 50.000 pesetas a quen o capturase, así que Alonso Ríos decide facerse por esmoleiro. Para non ter problemas por non ter documentación fíxose pasar por portugués, autobautizándose como Afranio de Amaral, nome dun naturalista brasileiro, e inventándose toda unha biografía. Traballa durante dous anos en varias casas, na Guarda e en Forcarei, até que despois de varios intentos logra fuxir a Portugal, de onde pasa a Casablanca e de aí a Bos Aires, onde é recibido como un heroe." (Marcos S. Pérez, Vieiros, Xuño 2008)

Trimestre negro I

Como sabedes, este segundo trimestre foi nomeado como "Trimestre negro" porque imos facer que todas as lecturas dos departamentos, as actividades da biblioteca e mesmo o entroido vaian encamiñadas cara á NOVELA NEGRA.

Así que vos propoño que o primeiro libro obrigatorio da segunda avalicación sexa un a escoller de DIEGO AMEIXEIRAS. Calquera del vale, posto que é un dos autores máis destacados deste xénero dentro da Literatura Galega.

Lembrade que, coma sempre, se non vos gusta este xénero non tedes máis que mo dicir e procuraremos un outro libro que sexa do voso agrado.

Teatro galego na II República

Teatro galego na II República from noagaliza

Vangardas 2

Máis vangardas, traballo de Daniel e Luís from trafegandoronseis

Máis vangardas, traballo de Tania from trafegandoronseis

Máis vangardas, traballo de Lucía e Alberte from trafegandoronseis

O HILOZOÍSMO   foi un movemento poético propio da vangarda galega, cuxo pai foi Luís Amado Carballo. Nos poemas hilozoístas préstaselle unha grande atención á natureza, a cal aparecece en constante movemento, grazas moitas veces ao uso de imaxes autónomas.
- Emprego abondoso e atrevido de imaxes.
- Ampla utilización das cores. A presenza do elemento plástico e cromático é abondosa e evidente. Predomina o uso do AMARELO, o cal simboliza o desacougo enmascarado pola euforia.
- Uso do verso octosílabo, co que se diferencia dos movementos de vangarda europea, onde se prescribía o versolibrismo.
- Ambientación rural, aparecendo con frecuencia elementos folclóricos, relixiosidade popular e bucolismo.
- Presenza de estranxeirismos, sobre todo empréstimos do francés e inglés. Isto conecta o hilozoísmo co multilingüísmo das vangardas europeas, o cal lle outorga un certo cosmopolitismo.


 O NEOTROBADORISMO é unha vangarda poética xurdida ao redor de 1930 debida á difusión en Galiza da lírica medieval galaico-portuguesa, a través da edición comentada de J. Joaquin Nunes (1928), o que fixo posíbel a aparición dun novo discurso poético. Nesta nova vangarda recréanse temas amorosos similares ás cantigas de amigo e de amor, con recursos formais (paralelismo, refrán, leixaprén...), e ambientes (paisaxes primaverais, fontes, mar, ríos...). Sobre todo inflúe a cantiga de amigo.No contexto renovador das vangardas históricas  algúns autores  como  é o caso de Álvaro Cunqueiro, incorporaron elementos do lirismo medieval co afán de construír textos vangardistas

 

neotrobadorismo from xenevra

Manuel Antonio

Manuel Antonio, traballo de Ánxela e Telmo from trafegandoronseis

 E estoutro:
 

Vangardas

A poesía de vangarda from Teresa Meixide Portos


Unha páxina sobre as vangardas: Unidade didáctica da AELG (Asociación de Escritores en Lingua Galega) realizada por Pilar Ponte.

E outra máis: