O libro de texto que se utiliza é "Lingua e Literatura Galega" de 4º de
ESO da editorial Santillana, "Os Camiños do Saber". Está dividido en dous
tomos, e terédelos nas taquillas de voso, posto que imos alternar a súa
utilización.
Ademais, debedes ter un Caderno para exercicios
escritos (mellor de follas intercambiábeis): obrigatorio e a
disposición do
profesor. Nel iredes vendo os vosos progresos na escrita, unha parte ben
importante do curso. Pódovolo pedir en calquera momento, polo que
teredes que telo sempre coidado e non podedes esquecelo na casa.
Lembrade: ESCRIBIR É UN LABOR DIFÍCIL, e teremos que corrixir unha e mil veces para irmos mellorando.
A
cualificación da
materia de Lingua galega centrarase nos estándares de aprendizaxe que conforman
os cinco bloques de contidos, que serán valorados así:
Os exames (funcionamento da
lingua, lingua e sociedade e educación literaria): 50% ; avaliarase a través de rexistro
de cualificación, exames e actitude ante a lingua galega.
Traballos
e exposicións de comprensión e expresión oral: 20% ; avaliarase a través de
observación directa na aula e rúbricas. Teredes que facer audicións e exposicións.
Comprensión
e produción escrita: 20% ; avaliarase a
través de exames e análise e valoración do caderno do alumno, e sobre todo polos traballos que tedes que entregar de escritura, e rúbricas.
Libros
de lectura: 10% . En todas as avaliacións hai dous libros obrigatorios, cada un contabiliza como máximo un 0,5. A nota dependerá de como estea feito o comentario.
Xa sabedes que logo hai libros de lectura optativa e cada lectura pode chegar a ser valorada como máximo cun 0,5 puntos. Como xa tedes experiencia do curso pasado, lembrade que as reflexións das vosas lecturas deben contar con certa calidade literaria para a súa valoración positiva. O feito de lerdes un libro non significa que automaticamente teñades esa puntuación máxima de 0,5. Iso si, nunca se contabilizará como un 0, xa que sempre terá certa cualificación positiva, mínimo 0,2.
Para superar a materia, cómpre unha media de 5 nas avaliacións, pero
para que se poida realizar esta media non se poderá baixar dun 4.
En todas as probas e traballos escritos valorarase a expresión,
podendo restar ata 2,5 puntos por estes aspectos: presentación incorrecta, imprecisións terminolóxicas, incoherencias no texto, erros de cohesión (nexos inapropidos e mala puntuación do texto) e incorreccións ortográficas. Estas últimas descontarán do seguinte xeito:
a acentuación non diacrítica -0,1 , e o resto de erros ortográficos -0,2 . Ademais disto, non se valorarán as respostas que conteñan erros moi graves de coherencia e/ou cohesión textual de maneira que estes impidan a súa comprensión.
Calquera
proba de avaliación poderá considerarse suspensa se hai constancia de que o
alumno/a copiou, permitiu que outros/as copiasen o seu traballo ou
participou en calquera actividade ou estratexia para mellorar os resultados
(propios ou alleos) mediante procedementos deshonestos, se ben o profesor/a
poderá optar por anular só a pregunta que considere que copiou.
O bloque
de comprensión e produción textual oral e escrita avaliarase mediante
observación na oralidade e análise das
producións escritas, cualificándose con rúbricas e rexistros de cualificación cuantitativa, os
outros tres bloques a través de probas escritas.
Cando un alumno/a obteña, tras o exame e
ponderación de todas as observacións realizadas no trimestre, unha
cualificación igual ou superior a 5 considerarase aprobado, e se a nota é
inferior a 5 considerarase suspenso. Dado que a cualificación trimestral
corresponde a unha ponderación conxunta de todas as observacións realizadas, o suspenso afectará a todo o contido do
trimestre, e en ningún caso a unha soa das súas partes.
Non se considerará aprobada a materia se o alumno ou a alumna presenta dúas avaliacións suspensas e non recuperadas.
A
recuperación dunha avaliación suspensa farase ao comezo da seguinte,
mediante realización de unha ou varias probas obxectivas que incluirán
preguntas relativas aos contidos tratados no trimestre anterior. Os criterios
de avaliación e as normas de cualificación aplicables a estas actividades serán
exactamente os mesmos que se tiveron en conta ao longo do curso para o resto de
probas de avaliación.
Na
convocatoria de setembro, dado que non hai tempo
para facer probas de expresión oral, o baremo de cualificación será o seguinte:
Comunicación
escrita: 30%
Funcionamento
da lingua: 30%
Lingua e sociedade: 10%
Educación
literaria: 30%
